الكذب عيب ……

كاتب شعبي محمد الهياجنه

ولا تزعل من حقيقة العربي اليوم .
الكذب ربنا ما بحبه….
والحقيقة ما فيه قلب عربي على عربي مجرد كلام فعل ما فيه الأغلبية قاطعين الأرحام فكيف بدك نصدق اذا بدك تجاهد وانت مش قادر تقاطع الدخان كيف !!!
يخرب بيتك شو فنان كذب .
ياعيبك والله .
ولك على مين بتكذب على حالك وانت شرشوح عريط ..
اليوم المواطن مشغول بسعر الزيت والزيتون والليمون !!!
ومشغول بيوم العروض بالمولات بطير علشان يوفر شوية دنانير وبقولك نفسي مسمومه من الأحداث بحمل اكياس خيرات الله وبعد اسبوع بقولك على فواتير كهرباء وميه والحياة اصبحت صعبه وآخره الليل بشوف وين في عروض على بروست والشاورما الحلبي وتعليلة صباحيه وبعدين بشكي من القالون ..
حياة الاغلبية مطعوجه ومنجعي على ارجيلة ومعسل وقهوة كل ساعتين العائله كلهم على الاراجيل!!! مش عارف ايش !
بياكل الأخضر واليابس…
وبتذمر صبح ومساء شكونجي .
وما بقدر يقول الحمد لله .
ينظم حياته حسب دخله الشهري .
وبلاش التنفيخ نفس شويه .
قول الحمد لله على نعمة الصحة والعافية…
وآخر دعوانا تحية للقايش وبورية الجيش والأجهزة الأمنية ….
………..ومملكتنا والهواشم……… والمرابطين بفلسطين جنود الله على أرض الأنبياء والمرسلين