رئيس التحرير

هذربات مسائية

نظيرة السيد


عشرين سنة بالاشغال الشاقة واللي معناها لاشغلة ولا عملة بوكل وبشرب علي حساب الدولة (وهو قاتل ومدمن ومروج مخدرات)ومثله مثايل، مش لو انعدم اريح، واللي قتل اخوه واخته ومرته، يمكن يطلع براءة بعد اسقاط الحق الشخصي وحنية امه وابوه وولاده، شو اللي بصير ؟وبعدين بتيجي هيومن رايتس وبتقلك حقوق انسان معقول اللي بقتل اخوه يكون انسان ؟ماضنيت ,حيوان(بعيد عنكم كتير عليه) بعد كل جريمة بقعد افكر ليش وكيف وشو السبب اللي وصلهم لهيك حياة ,بيجي واحد وبقلك ظروف وبطالة ,وتفكك اسري (اي يفك راسه البعيد) كثير من الظروف الصعبة صنعت ابطال ورجال مش مجرمين ومدمنين وفارضي اتوات وخاوات بدهم مصاري ويعيشوا ويوكلوا ويشربوا ويتعاطوا علي حساب غيرهم.والغير خايف على حاله وعيلته واطفاله بمشي الحيط الحيط وبقول يارب الستيرة ,وبدعي ربه انه يبعد عنه ولاد الحرام (اللي على رأي اخوانا المصريين ماخلوش لولاد الحلال حاجة) وياريتهم مبعدين، بتحركشوا بالطير الطاير والغلبان بدو سلته منهم بدون عنب، لا ومستعد يمليلهم ياها، شو اللي صاير الواحد صار مرعوب مش عارف عمين ولا مين يخاف على حاله ما اضن ,لانه الرب (سبحانه وتعالى)واحد والعمر واحد,بس خايفين على هالجيل الطالع وشباب مثل الوردة مش عارفين كيف نحميها، ونبعد عنها الخطر وبطلت كل الوعود والمبررات تقنعنا انه مافي خطر ,حياتنا تحولت الى قلق وخوف ما بنصدق متى يكبر الشب او البنت ويزول الخطر عنهم ومع هيك بنضل خايفين بتجوز الشب وبجيه ولاد والام والاب بفكروا وين راح وين اجا ,ابن العشرين بعده في نظرهم صغير( مع انه زمان كان يكون مخلف عشرة)وهو كمان مش حابب يكبر حتى مايهكل الهم بكير الله وكيلكم طعة وقايمة حياة كلها رعب وخوف وشوبدنا اكثر من انو الاخ يقتل اخوه ,سامحوني اللي كتبته بسم البدن بس والله من حرقة قلبي علي هيك اخبار وهيك مناظر حتى بطلنا نسمع فيها سمع بس وصارت بالصور كمان، حتى الميت ماعاد اله حرمة فقدنا الكثير من العادات والتقاليد وابتعدنا كثيرا عن الدين وهون مربط الفرس.كله بردد وبقلد ومحدا فاهم الصحيح وين. حتى الفاهمين مطنشين وماشين وين مالاقوا مصلحتهم بوقفوا مبدأهم في الحياة انا: ومن بعدي الطوفان (وسلامة تسلمكم بدي الحق انام كم ساعة حتى اصحى بكير واطلع اقضي كم شغله، قبل ماتشتد الازمة وواحد يخبطلي السيارة ويعصب علي لانه الاخ مش متحمل حد قدامه وكان الطريق اله لحاله، عزيزي اذا بدك ترعب الناس وشغلك كله سمة بدن وعصبية انا بقلك من هسع مش مقبول وربنا رح يحاسبك على تصرفاتك لانه العمل عبادة وتسامح ومحبة وشعور مع الاخرين مش تنغيص عيشة الناس بحجة انك مستعجل وبدك تلحق تحمل كم راكب(واناهنا اخص التكسيات وباصات النقل العام) اللي فاكرين أرواح الناس لعبة وماخدين الطريق يمين وشمال اللهم لحالهم,وطايحن بالناس صراخ وبهدلات ما حدا عاجبهم بلاش، دقوا روسكم بالحيط، وسامحوني بلشت اخربط، ولازم انام تصبحوا على خير وصحة وسلامة

زر الذهاب إلى الأعلى
error: Content is protected !!